減肥專家 Tim Sir (楊祐添)
電話/WhatsApp: 9843 1223
yangyautim@yahoo.com.hk

韓國美魔女鄭多燕的減肥事蹟

健身減肥有用嗎?先看看下面的照片吧,穿著比基尼,驕傲騷出腹肌,游泳池畔,大方展現上圍 ,還有弓著身體,所流露出的結實線條,用什麼角度看,都是辣妹。真不敢相信她居然已經47歲了(2014)!

 

6

辣妹

11

正妹

這位叱吒風雲的韓國減肥明星鄭多燕,靠著控制飲食,和自創的“FIGUREROBICS”的瘦身運動,在33歲時因老公笑她肥,深受刺激,再加上肥胖引起的背痛問題,在醫生之建議下努力瘦身,那年她用了一年時間,就從68公斤瘦到49公斤,從韓國紅到日本。你還會再質疑健身減肥有用嗎?堅持健身肯定有用,鄭大媽就是活生生的例子!只要長期運動 ,身體就會消耗脂肪,記得還要配合飲食來搭配,這樣才瘦得健康,一句話就是「管住嘴,邁開腿」。

 

7

好一個大媽

9

未減肥時

鄭多燕減肥前後的對比照片真是勵志啊,簡直是從一個阿嬸華麗變身為一個正妹!年過40後 ,如果中年發福,新陳代謝變慢,想要保持苗條身材,恐怕比以往來得困難。
當鄭多燕體型出現明顯改變,她把減肥成果照片用e-mail和親友們分享,後來她不但成了網路紅人,各家媒體也都來採訪她。連韓國的高中課本中,也介紹了如何擁有“健康肉體美”的鄭多燕。

 

3 5
8 10
12 14

因為老公講咗一句「真懷念你婚前的樣子」,令當時肥嘟嘟嘅鄭多燕下定決心減肥。過去有好多傳媒都刊登過佢嘅肥師奶相,相入面嗰個頭耷耷、冇自信嘅佢,同依家呢個有馬甲線、S腰、充滿自信嘅佢比較,真係好難想像係同一個人。

 

1 13

肥嘅時候好自卑

問:點樣形容超過70kg嘅自己?

:我嗰陣嘅心情經常好低落,唔想見人,連剪頭髮都唔想去,成日收埋自己;思想好負面,成日諗啲傷心事,又會幻想自己好差,成日諗,如果再肥落去點算好,仲曾經懷疑老公變心。當時我已經肥到要著老公嘅衫褲,個人好冇自信同好自卑,連講嘢都唔敢望住對方。

問:曾經用過乜嘢錯誤嘅減肥方法?

:最初搵唔到有效嘅方法,只好亂試。試過長時間禁食,但因為餓得太耐,搞到一食番嘢就失控;後來又試過只食一種水果,4日都食西瓜,最後又變成失控咁食嘢;有一次連續兩日都只食蘋果,點知搞到自己胃酸過多,更加想食肉;而印象最深刻嗰次,係我用保鮮紙包住自己去焗桑拿,因為流失太多水份而暈低,入咗急症室。

問:減肥最難係咩?成個過程用咗幾耐?

:當我知道正確減肥方法之後,成功喺3個月內由145磅減到114磅。成個過程最困難嘅一定係身體上嘅煎熬,一般人起初嘅心態都係想愈快瘦身愈好,我一開始都係因為想快而亂咁試唔同嘅方法,但後來發現,其實每個人都有一套啱自己嘅減肥方式,最重要係俾身體有適應期,一心急就會有反效果。起初,我唔識跳舞,體力好差,腰部又有好多問題,唔可以長時間做運動,所以我當時就知道,想成功就要慢慢嚟,逐步調節飲食,加埋持之以恆咁做運動先會成功。

問:成功減肥之後有咩轉變?

:我變得比以前有自信,而且成日保持心境開朗,性格變得好外向,好樂意同其他人分享自己嘅減肥經驗。

瘦身不是求磅數

磅數係減肥最大嘅敵人,有人會朝朝起身磅重,每日記低自己有冇變輕;亦都有人會設定目標,要喺短時間內勁減好多磅。不過鄭多燕教路,如果用磅數嚟衡量自己減肥成唔成功,萬一唔達標,就會好易放棄。

問:一開始嘅目標係想減到幾多磅?

:我冇設定,由開始減肥到依家都唔會成日去磅重,與其成日睇住自己幾多磅,不如多啲照鏡,睇吓自己嘅線條平唔平均,同埋有邊啲部位係唔夠balance。我覺得唔可以用磅數嚟判斷身材係肥定瘦,正確嘅方法係要睇番身高同體型嘅比例啱唔啱,每日check住自己嘅身體狀況,keep住健康。

問:用磅數嚟設定減肥目標有咩壞處?

:過往有好多韓國電視台搵我做減磅真人騷,但係我都拒絕咗,為咗要配合節目效果,迫參加者喺短時間內減咁多磅,我認為唔可以將呢個錯誤嘅觀念帶俾觀眾。如果因為要體重達標而用錯方法,最後只會傷害身體。我從來唔會迫自己減磅,希望可以用做運動嘅方法嚟修線條,依家我都只係大約知道自己喺4951kg左右,太強迫自己維持喺一個磅數,只會令自己唔敢食嘢,傷害身體。

問:飲食方面點調節?

:任何人想減肥成功,都應該選擇少食多餐,我由成功減肥到依家,咁多年都係一日食6餐,唔止冇肥番,仲可以維持到有線條嘅身材,而且我每個星期都會俾自己食一次自助餐,想食乜就食乜,當係鼓勵自己。

問:你依家已經減肥成功,點解仲keep住做運動?

:其實係要愛上運動,因為你鍾意做先可以養成習慣,相反,如果只係迫自己做,幾日之後就會放棄。自從我養成做運動嘅習慣之後,就開始教其他人點樣健康瘦身,幫助其他人。

問:點樣鼓勵其他人唔好半途而廢?

:千祈唔好幫自己設定一個唔可能達到嘅目標,例如你依家160磅,但係目標就定咗要喺1個月內減到140磅,咁樣唔止會令自己失望,仲會造成心理壓力,冇恆心繼續減。

鄭多燕減肥tips

唔好:

1. 減糖減鹽減油
  飲食方面,唔好一開始就戒糖、鹽、油,要逐步減,否則好易營養不良。
2. 人講你就信
  例如運動選手要節食,只食白烚雞胸肉,你就日日只食雞胸肉,唔單止會令你營養唔均衡,仲會令你生活冇晒樂趣,冇心機再減落去。
3. 日日磅重
  日日走去磅,減唔到,個心會唔舒服,唔止會有心理壓力,嚴重仲會為想減磅而傷害身體添!

應該:

1. 食得清淡
  正餐一定要食碳水化合物,但係要將份量控制得好好。
2. 少食多餐
  唔好令自己太肚餓,習慣幾個鐘就食少少,不過要食有營養食物,例如係生果等,但梗係唔可以食零食啦!

鄭多燕1日6餐的減肥餐單

7:30am 麥皮/乳酪/生果
10:00am 生果
12:00nn 烚雞胸和烚菜
3:00pm 烚菜
7:00pm         半碗飯配烚菜/韓式涼拌前菜
11:00pm  麥皮

後記:

鄭多燕的減肥舞雖然有效,但動作複雜,又要配合音樂,學習需時,過了數天不練,容易忘記,又要看片重學,相當麻煩,若用本專家發明的健身循環訓練法減肥,很快學懂,日後自己練習亦相當容易,收效更快。

鄭多燕的減肥餐單雖然有效,但許多人都認為太過難吃,如此辛苦,少了人生樂趣,情願不減了,但本專家提供餐單,美味得多,同樣成效,但減肥變成樂事,必定成功。